讀者投稿《乜都驚一餐老爺篇》
我同我老公，老爺，我個女加我工人一齊住。。我老爺係極難相處嘅人。。我奶奶都係頂佢唔順因為搬走咗。。
佢係乜都驚乜都反對乜都好煩嘅人，有時真係俾佢搞到好崩潰。。
我地兩公婆都係返工收工無定時嘅人，只要一夜返，我老爺就會即刻由房門衝出嚟睇下邊個返到(佢驚有賊)，我老公會話佢，所以有時佢會即刻衝出黎但會扮要去廁所所以睇一睇。。有時佢都會衝出黎同我地，但無論幾點都好，凌晨三四點都好，佢都會勁大聲講野，但其實我屋企，個女同姐姐嗰陣都訓緊。。
屋企開大少少個窗又話驚上面掉嘢落黎掉爆我地個窗(我地住2x樓)，擺啲嘢只要近少少個窗又話跌野落去整死人。。
我仲喺大肚嗰陣，夜晚成日去廁所，佢次次都出黎勁大力拍門要入面係邊個，真係無心臟病都俾佢嚇到有心臟病。。
洗廁所只要多啲水喺渠位，佢就勁驚就搶著黎洗話等佢黎洗，話驚太多水會搞到樓下滴水投訴我地，話平時都係佢洗廁所，但啲灰塵厚到係幾年無洗😑
夜晚一見到我個女打側訓，就一定要郁返佢打平訓，但如果真係搞醒佢佢係唔識氹返佢訓。。
我個女啱啱出世嗰陣返屋企頭幾日，只要我同我老公同女喺房閂咗門，個女一喊佢就拍門問做咩事喊，一晚拍幾次，我生完已經好攰又不停餵人奶換片，每次喊佢又要不停拍門問咩事。。真係冇產後抑鬱都偷笑。。
姐姐餵奶佢又驚姐姐會唔小心倒左啲奶入佢鼻。。但姐姐係乜都識，比我地更熟手，佢係最唔識嗰個。。
廁所換左張硬啲浴室墊又話驚壓爆啲磚。。
房換冷氣機位又驚冷氣跌落街。。
床褥高身少少又驚啲嘢容易跌街。。
我地兩公婆傾計大聲少少又驚我地拍門問咩事。。
以前我老公返早更，假設5點要起身，我老爺會冇啦啦4點狂拍門叫佢起身返工，我老公話都未夠鐘起身，佢就話早啲返去驚佢遲到。。
然後，又乜都反對。。
間屋廿幾年冇翻新。。
我地自資打算又有bb又有姐姐，重新裝修間屋，佢又反對，問佢點解佢答唔到。。
我老公想換個自己房個衣櫃佢又反對。。為咗裝修換我地自己間房嘅傢俬我老公同我老爺嘈左好多次。。我老公有次忍唔住問佢”你而家要個衣櫃(個衣櫃係我老公)定個孫女？”問左3次佢都答唔出。。到我地真係換左傢私啲人上黎，佢又問靚唔靚，話係佢批准我地搞間屋。。
話請姐姐佢又反對，問佢咁叫邊個湊佢又答唔出，到我地硬請姐姐返到黎，佢好似好威周圍同人講佢屋企有個工人。。
總之相處2年，佢未試過有樣野係贊成。。
跟著佢又係乜都唔肯掉嗰啲人，乜都貪要拎返黎但又唔用又唔食。。擺到過哂期。。每次佢自己去飲去啲飯局都會拎一堆食剩嘅嘢返嚟話俾我地食(佢從來唔會用自己錢買野返黎)，但自己又唔食，擺到發霉我就叫姐姐掉左佢，逢係啲event派啲無味嘅麵，唔知咩黎餅乾朱古力又拎返嚟又係自己唔食但係咁拎，我地話唔食佢又繼續拎。。但自己從來都唔食。。
我啱啱搬黎個陣，個雪櫃大部分食物都係發霉出水勁臭。。
啲清潔用品完全過期3年以上，想搵支近幾個月過期都冇。。
屋企電話風筒都有三四個，得一個work..
啲燈5個燈膽3個壞2個勁暗冇人換，有次我返黎開燈，過一陣我以為我仲未開。。因為暗到好似冇開。。佢一個螺絲一個膠袋一條繩都唔肯掉嘅人。。有時我地掉完垃圾，佢會走埋嚟問我地掉咩。。睇下有冇野執。。屋企電筒起碼超過20支 。。佢自己以前有用鞋油，成十幾盒擺喺度但其實佢唔再用。。佢唔肯掉但又唔會用亦唔會想捐俾人。。
佢性格又好怪，自我存在感好低嘅人，佢之前出入廁所都同我姐姐打2次招呼。。一經過廚房見到我姐姐又打，一個鐘都打幾次招呼。。又成日捉啲街坊傾計，但佢係唔俾人講野全程都自己全部都講緊自己有幾勁有幾勁。。係有街坊離遠見到佢要避開佢，因為一傾佢唔會放人走。。
仲有好多好多。。對住佢我真係🤦🏻♀️佢唔會傾任何意見。。真係好崩潰。。
#退一步海闊天高
#我的極品四大長老
床 褥 跌落 街 在 圓點Dot - 【樓上住客自私晾床褥全程只靠兩條鐵通支撐】... 的推薦與評價
事源是網友的樓上住客，竟把張床褥搬出窗外曬，做法已經相當危險，而且 ... 自私，並呼籲發帖網民通知管理處或報警，防止床褥隨時跌落街壓死途人。 ... <看更多>